4-8-2 Motako Tren-Makina . Babcock & Wilcox
Lurrunezko tren-makinen sailkapen-sistema F. M. Whytek ezarri zuen 1900ean, eta gurpilen kokapena deskribatzeko erabili zen. Horrela, 4-8-2 motakoak hauxe esan nahi du: 4 gurpil aurrean, 8 gurpil eragile akoplatu eta 2 gurpil atzean. Lurrunaren garaian, bereziki, gurpilen antolaera ezaugarri garrantzitsua zen tren-makina batean diseinu-mota ugari baliatzen zirelako, gurpil bakoitza erabilera jakin baterako optimizatzen zela, askotan, gurpil eragile gutxi batzuekin. Aurreko gurpilak erabiltzen ziren tren-makina bihurguneetan errazago ibiltzeko eta galdararen aurrealdeari eusteko.
Tren-makina mota horri «Mendikoa» esaten zitzaion, Chesapeake eta Ohio lotzen zituen trenbidean, bidaiariak Allegheny mendietan barrena garraiatzeko garatu zelako. RENFE enpresaren eskutik, Madril-Irun ibilbidea egiten zuen.
Aurrekoak baino zerbait indartsuagoa zen eta Babcock & Wilcox konpainiako diseinatzaileek diseinu berriko zilindroak baliatu zituzten, André Chapelon ingeniariaren Kylchap eztanda-hodiaren proposamenari jarraituz, Belpaire sutegiz hornituta. Prototipoa urte batzuetan baino ez zen ibili, baina haren eraginkortasuna kontuan hartuta, RENFEk 27 tren-makina gehiago eskatu zituen 1946 eta 1947 urteen artean. Tripulazioek estimu handian zuten tren-makina hura eta «Polita» esaten zioten.
