Ibar Ezkerra, Omar Nabarro, 1984

Ibar Ezkerra, Omar Nabarro, 1984
Aleman barkuak gauero atrakatzen du Zorrotzako portuan
hortxe behean
autopista muga dugularik
marraskilo erako zubia pasabide hestua gainetik.
Gizaki ar arrunta pattarra
aurrean
goizero
kafe urtsua
bus jendetsua
lantegia ala herria
herribarne lantegitsua.
Urrutiago Portugalete
itsasadar zikinaren ibar ezkerrean
burdinezko zubitzarra
zementuzko Errontegi erraldoia eta gero.
Agudo goaz denok
etsipenean behera
kresal usaina antzeman ezinik
laino ketsuan zehar
aldapan gora
hilerriraino.