Rialia Industria Museoak “TRENAK. Iñaki Bilbao” erakusketan oinarritutako hezkuntza-jarduerak eta bisita gidatuak proposatzen ditu.
Iñaki Bilbao (Barakaldo, 1956) margolariaren TRENAK erakusketak trenbidearen mundu liluragarri eta oroigarrian murgiltzen gaitu. Rialia Industria Museoak “bisita-tailerrak” eta bisita gidatuak eskaintzen ditu hezkuntza-ziklo ezberdinentzat:
- Bisita – tailerrak eta bisita gidatuak 60 minutuko iraupena izango dituzte, euskaraz, gaztelaniaz eta ingelesez izango dira eta doakoak dira.
- Datak: 2026ko irailak 15 – urriak 25
- Ordutegia: 10:00 – 14:00 / 16:00 – 18:00
- Erreserva: 944 724 384 / rialia@portugalete.org
GARRAIOBIDEAK – LH 1. eta 2. mailak – Bisita – tailerra
Iñaki Bilbaoren artelanetik abiatuta garraiobide eta mugikortasuna hizpidea izango dugu. Koadroen zuzeneko behaketaren bidez artelanetako paisaien ezberdintasunak ikusiko ditugu.
NORA DOA? – LH 3. eta 4. mailak – Gela Egonkorra – Bisita – tailerra
Iñaki Bilbaoren eszena misteriotsuek harrapatu gaituzte. Bere pinturetan elementu eta ideia ezberdinak konbinatzen ditu eta ia beti, tren bat agertzen da, nora doa?
PERSPEKTIBA – LH 5. eta 6. mailak – Bisita – tailerra
Koadro bat egiten den bitartean, lerroak, formak eta koloreak beharrezko elementuak dira. Ezagutu artista-teknika batzuk.
JAR DEZAGUN BEGIRADA MARTXAN – DBH, Lanbide Heziketa eta Batxilergoa eta Helduen Hezkuntza
Iñaki Bilbaoren lanak oso modu zehatzean islatzen ditu izaera industrialeko leku eta espazioak; batzuk erraz antzemango dira, beste batzuk ez hainbeste, edonola ere galderak, sentsazioak edo emozioak sortuko zaizkigu.
